Kabanata 12
Ala-una na ng hapon nang magising ako. Kakalabas ko pa lang sa kwarto ko pero agad akong napatigil sa pagkukusot ng mata nang makita ko si Jonna sa may pintuan ng bahay namin.
Nanlalaki ang mga mata ko. Nakita niya agad ako ng walang ayos kaya napangiti siya. Alam ko na inaasar niya ako! Ganito siya tuwing may iniisip na kalokohan.
"Jonna, mabuti naman at naparito ka. Tuloy ka, Iha." sabi ni Mama.
Sabado ngayon kaya wala siyang klase. Nakangiti si Mama habang hinahawakan niya ang braso ni Jonna upang igaya papasok sa kabahayan.
"Daniel, nandito ang girlfriend mo." sabi ni Papa kaya napabuntong hininga ako.
Hinawakan ko ang tuwalya na dala ko. Pupunta sana ako sa cr para maligo pero mukhang mapupurnada pa.
"Pauwiin mo po muna, Ma." may inis na sabi ko.
Kakagising ko lang
