Matapos ang pag-uusap naming iyon ni Aspen ay kahit papaano'y nagkaroon ako muli ng sigla sa katawan at minabuti kong tutukan ang pagkain ko at pagpapa-araw sa umaga dahil nahalata ko nga na medyo naninilaw nga ang aking balat. Gustuhin ko mang magpa-doktor ay natatakot ako na baka kung ano ang maging resulta niyon kaya minabuti ko na lamang na huwag gaanong isipin at baka dahil lamang masyado akong stress kaya pakiramdam ko ay parang lumalala ang mga sakit sakit na nararamdaman ko sa aking katawan.
Napansin din ni mama na sinusubukan kong kumain ng marami upang bumalik sa healthy ang aking timbang. Kilala ko si Aspen. Bigla pa naman iyong sumusulpot ng walang paalam at ayokong makita niya na malaki ang ibinagsak ng aking katawan magmula ng umuwi ako dito sa Pilipinas. Gusto ko ay maayos
