“Ate!” tawag sa kanya ni Blake mula sa labas ng silid. Nakahiga siya sa kama, tila tamad na tamad bumangon. Ilang araw na niyang napapansin ang pagbabago sa kanyang nararamdaman. Dalawang linggo na siya sa probinsya, pero hindi pa rin niya alam kung ano ba talaga ang gusto niya.
"Hoy ate, okay ka lang?" Nag-aalalang nilapitan siya ng kapatid.
"Ha?" Tila nagulat pa siya sa paglapit nito.
"Okay ka lang ba? May masakit ba sayo? Gusto mo bang dalhin na kita sa hospital?" Nag-aalalang tanong ni Blake.
"OA mo!" Pinandilatan niya ito.
"Di bale ng maging OA, at least alam kong okay ka,"nakatawang sabi ng kapatid.
"Kanina pa kasi tinatawag, kakain na tayo pero hindi ka naman sumasagot," nagkakamot ito sa ulo.
"Tinatamad pa nga ako diba?" Pinanlakihan niya ito ng mata at tuluyan na nga siya
