Kabanata 69
S A B R I N A
Ngayon ang pang-limang araw ko sa opisina at nagkaayaan ang mga kasamahan ko na lumabas at uminom. Hindi naman na ako tumanggi dahil gusto ko rin naman talagang makipag-bonding sa kanila. Ayoko muna isipin ang problema kahit sa gabing ito lang. Ilang araw ko na rin kasing hindi sinasagot ang tawag ni Sander, alam kong galit na galit na iyon sa akin pero ayoko nang isipin pa ang galit niya. Bukas na lang ako babalik sa bahay niya para makita si Alexander tutal wala naman akong pasok bukas. Bahala na kung pagagalitan niya ako bukas pagpunta ko doon. Kahit papaano ay nasasanay na rin ako sa kanya na palaging galit kapag nakikita ako. Hindi ko siya masisisi. Mahirap nga sigurong magpalaki ng anak ng mag-isa at walang katulong pero pwede naman siyang mag-asawa kung g
