Kabanata 59
S C A R L E T T
"Congratulations! Graduate ka na sa wakas!" masayang bati ni Joanna sa akin mula sa kabilang linya. Sayang nga at hindi siya nakadalo sa graduation ko dahil nasa maynila siya ngayon at kauuwi lang ng asawa niya. Hindi naman siya pwedeng basta na lang umalis dahil bihira na nga lang umuwi ang asawa niya lalayasan pa niya.
Ayos lang naman sa akin yun. Ang mahalaga sa akin ngayon ay nakapagtapos na ako ng pag-aaral. Sa totoo lang hanggang ngayon hindi pa din ako makapaniwalang nakapagtapos ako. Pangarap ko kasi talaga ito noon kaya siguro sobrang laking bagay nito sa akin na halos hindi ako makapaniwalang nangyayari talaga ito. Sobrang sarap sa pakiramdam para akong dinuduyan sa hangin sa sobrang saya. Hindi ko akalain na makakamit ko pa itong pangarap kong ito
