Kabanata 58
S C A R L E T T
"Saan mo balak magpunta?" tanong ni Joanna habang hawak hawak ang kamay ko. Pinapasok niya muna ako sa bahay niya para makapag-usap kami tungkol sa plano ko. Ayoko na sanang pumasok doon dahil ayoko na ding istorbohin pa siya kaya lang ay mapilit talaga siya. Gusto niya daw akong tulungan at kung hindi daw ako papayag na tumulong siya ay magagalit na siya ng tuluyan sa akin.
"Hindi ko pa alam. Balak kong bumalik sa San Rafael. Babawiin ko yung bahay mula sa auntie ko. Wala silang karapatan doon. Hindi ako nagreklamo noong winaldas nila lahat ng perang naiwan ng mga magulang ko pero ngayon hindi na ako papayag na angkinin pa nila ang bahay na para naman talaga sa akin."
"Doon ka titira?" Kumunot ang noo niya.
"Pansamantala, oo pero balak kong ibenta 'yun. D
