Kabanata 56
S C A R L E T T
Hawak hawak ko ang kamay ni Sander nang biglang bumukas ang pinto. Agad akong palingon doon ngunit nang makita kong si Yakira ang pumasok kasunod ng kuya niya ay agad ko rin namang binitiwan ang kamay ni Sander. Tumayo na din ako sa kinauupuan ko para pagbigyan ng pagkakataon si Yakira na makita ng malapitan si Sander. Nang umalis si Caleb ay ginapangan na ako ng kaba. Sabi ko pa naman sa sarili ko kanina na kapag nagkaharap kami ni Yakira ngayon ay kakausapin ko talaga siya at magpapaliwanag para kay Sander. Alam ko din kasi sa sarili ko na may nagawa akong pagkakamali kay Yakira. Tulad na lang nung nangyari sa Paris. ‘Tsaka ang hangad ko lang din naman ay ang magkaayos sila ni Sander. Sobra na ang mga pinagdaanan ni Sander at kung mawawala pa si Yakira ay ba
