Kabanata 73
S A B R I N A
Naunang pumasok ang mag-asawa kasama ang anak nila at si Alexander sa loob ng kusina. Naiwan kaming parehong walang kibo ni Sander sa salas. Nilingon ko siya na mukhang seryosong nag-iisip.
"Pumasok ka na doon. Dito na lang muna ako, maglilinis. Baka magtaka kasi si Madel kung sasabay ako sa inyong mag-almusal," sabi ko upang basagin ang katahimikan sa pagitan naming dalawa.
Tinignan niya ako sandali bago walang imik na pumasok sa loob ng kusina upang sabayan ang mga bisita niyang kumain. Narinig kong hinanap ako ni Yakira pero hindi ko na narinig pa ang isinagot sa kanya ni Sander. Nakita ko na lang na lumalabas mula sa kusina si Madel na may hindi maipintang mukha.
"Pinapatawag ka ni Ma'am Kira," aniya na halatang naguguluhan. Tumango ako at agad naman nan
