Kabanata 74
S A B R I N A
Nakatapis lang ng tuwalya ang mag-ama nang lumabas. Agad akong tumayo mula sa pagkakaupo sa gilid ng kama ni Alexander upang daluhan ang anak ko. May hawak hawak akong tuyong tuwalya upang punasan ang kanyang basang buhok. Hindi na ako lumingon kay Sander dahil ramdam ko ang titig niya sa akin habang inaasikaso ko ang anak namin. Napalunok ako nang lumapit siya sa kama upang kunin ang mga damit na hinanda ko doon. Tinapos ko agad ang pagpupunas kay Alexander bago umayos ng pagkakatayo.
"Magbihis na kayo. Labas lang muna ako," paalam ko at nang lingonin ko si Sander ay nakataas na ang kilay nito sa akin at may multo ng ngiti sa mga labi. Inirapan ko siya dahil pakiramdam ko tinutukso niya ako.
"Okay," sabi ng anak ko bago lumapit sa kanyang ama upang magbihis n
