“Bakla, bakit naman kailangan na magresign ka?” malungkot na tanong sa akin ni Erika. Malamang na nalaman niya na ang tungkol sa resignation letter ko.
Isang buntong-hininga ang ginawa ko at saka binitawan na muna ang mga gamit na nililigpit ko.
“Sabihin na nating napagod na ako, Erika. Napagod na ako kaya gusto ko na munang huminga at magpahinga,” tapat kong sagot.
“Nauunawan ko naman kita. Pero bakit kailangan mong magresign? Pwede naman na magfile ka na muna ng vacation leave, diba?”
Napangiti ako ng hindi umabot sa aking mga mata.
“Ante, maraming bagay ang gusto ko na munang ipahinga. Hindi lang naman ang pagod kong katawan kung hindi maging ang kaluluwa kong matagal ng nais tumigil na muna ngunit dahil may mga umaasa akin ay pinipilit kong lumaban. Ngayon na nasa mabuti ng kamay
