DUMIRETSO sila ni Adelina sa hospital at ito ang nagmananeho habang siya ay hindi mapakali.
“Relax ka lang, best. Magiging okay rin si tita.” Pagpapakalma nito sa kanya.
“Ano kaya ang problema ni mommy bakit niya nagawang kitilin ang buhay niya? mabuti nga daw at nakita ng secretary nito kaya naitakbo agad sa hospital.”
“Hindi talaga maiwasan ‘yan sa mga taong pressure sa work. Lalo pa’t businesswoman si tita kaya—”
“Kahit na Adel hindi niya dapat ‘yon ginawa!” mariing pinutol niya ang sasabihin ni Adelina.
Hindi na lamang nagsalita pa ang kaibigan niya hanggang nakarating sila sa hospital. Nagtanong agad sila sa nurse station tas tinuro sa kanila kung saang room ang mommy niya.
Naabutan niya ang personal assistant ng mommy niya na siyang nagbabantay. Si Adelina ay naroon lang
