Binato ko ng mahika ang mga maliliit na pouch na papunta sa mga tao.
Sa hindi kalayuan ay nakita ko si Papa na tumutulong sa ginagawa ko kaya napangiti ako.
Muli kong ibinalik ang atensyon ko sa mga pouch na lumilipad.
Inilibot ko ang paningin ko para hanapin ang Soul Stealer pero hindi ko siya makita sa paligid kahit na sunod-sunod ang paglabas ng mga pouch.
Imposibleng hindi siya ang may gawa nito dahil ang sabi sa akin ni Papa dati, tanging ang Soul Stealer lang may kakayahan na bumuo ng mga pouch na ito.
Ibig sabihin ang lalaking nakaitim na laging nagpapakita sa akin ang Soul Stealer.
Habang pinipigilan ni Papa ang mga pouch ay ipinikit ko ang mga mata ko at pinakiramdaman ang pinakamalakas na enerhiya sa paligid.
Nahirapan akong hanapin ito dahil tanging enerhiya namin ni Papa
