Isa-isang sumugod ang mga werewolves sa pwesto namin.
Mabilis kaming nakatayo ni Sam at maghiwalay para mahati namin ang dami nila.
Kumpol-kumpol ang mga werewolves, maaaring gusto na nga talaga nila akong tapusin pero hindi ako papayag na mangyari ‘yon.
Mabilis ko silang binato ng apoy ko sa kaliwang kamay habang sa kanan ko naman ay hawak ko ang pluma.
“Paano ba gamitin ‘to nang nasa wisyo ako?” bulong ko sa sarili.
Hindi ko alam paano ko napagana ito kanina pero susubukan ko.
Itinutok ko sa mga werewolves ang pluma pero walang lumalabas dito.
Wala akong magawa kundi gamitin ang kaliwang kamay ko habang nag-iisip ng paraan kung paano ko ito mapapagana.
Salitan ang tingin ko sa werewolves at sa hawak kong pluma.
“Tabi, Dayan! Umalis ka muna r'yan at isipin mo kung paano mo gagami
