"Kakayanin ko ba 'to?" Nakakalusaw na ngiti naman ang isinagot sa'kin ni Zion.
"Oo naman. Ikaw pa ba?" Napabuntong hininga na lang ako atsaka ibinaling ang tingin sa registration form.
Second day kasi ngayon ng exhibit at katulad kahapon, sinundo ulit ako ni Zion para magpunta rito. Pero ngayon, iba na ang pakay namin.
Bago kasi kami umalis kagabi, nakita namin ang registration area para sa mga gustong mag-submit ng creation nila at ang perang malilikom ng gawa na 'yon ay mapupunta sa donation. Bagay na kumiliti sa tainga ko.
"Zion..." Nagtataka siyang tumingin sa'kin. "Pa'no pala 'yung mga materyales na gagamitin ko?" Ayoko mang diretsahin pero wala pa akong sapat na ipon.
Parang gusto ko na lang tuloy punitin ang hawak kong papel. Nakalimutan ko na nga ata talaga kung ano na lang a
