Ilang linggo na ang nakalipas at wala namang nagbago sa routine ko. Bahay-Trabaho-at... Gala kasama si Zion. Ewan ba talaga sa lalaki na 'to, anong natripan at araw-araw na akong sinusundo sa karinderya.
"Saan mo na naman ako dadalhin ngayon?" Pang-asar kong tanong. Ngumiti lang naman siya atsaka muling ibinalik ang tingin sa dinaraanan namin.
Makalipas ang ilang minuto naming paglalakad, narating namin ang isang malaking auditorium.
Artists of Life
Mahinang basa ko sa malaking poster na nasa labas. Napatingin naman ako ngayon kay Zion na mukhang kanina pa naghihintay ng reaction ko.
"Bakit mo 'ko dinala dito?"
"Ah wala. Kasi ano, n-nabalitaan kong may exhibit kaya naisipan kitang isama. Para maiba naman." Ayun lang pala, akala ko...
"Hindi mo ba nagustuhan?" Nahihiya niyang tanong
