DAHIL sa kahilingan ng ina ni Fay ay doon na nga muna sila nagpalipas ng gabi pero dahil sa may pasok pa siya ay kinailangan din nilang umalis ng maaga.
“Kailangan niyo na ba talagang umalis?” malungkot na tanong sa kaniya ng ina habang inihahatid sila nito palabas ng gate. Pasado alas singko pa lang kasi ng umaga.
“Babalik na lang po ulit kami. May pasok pa kasi ako sa BvN, hindi na po kasi ako pumasok kahapon kaya kailangan ko na pong pumasok ngayon dahil siguradong pagagalitan na po ako,” paliwanag naman niya rito. “Madali na lang naman pong bumalik dito, Ma, anytime na gustuhin namin. O kung gusto niyo po dalawin niyo rin kami minsan sa Poblacion para makarating din kayo sa place namin?” Parang nagliwanag naman ang mukha nito sa sinabi niya.
“Oh sige, may mga aayusin lang ako rito p
