Sydney Ortiz
Katahimikan ang siyang bumabalot at namamagitan sa amin ni Sir Ethan habang lulan kami ng sasakyan niya at kasulukuyang bumabiyahe pauwi sa bahay. Sina Seven at Sandra ay kapwa nakatulog na sa backseat ng sasakyan. Panaka-naka ko namang sinusulyapan si Sir Ethan na seryosong nagmamaneho at hindi kumikibo sa akin mula pa nang makita namin si Joel kanina sa Bluish Mall.
Sa huli ay hindi ko na rin natiis ang katahimikan sa pagitan namin kaya binasag ko na iyon sa pamamagitan ng pagtikhim at marahan na pagsasalita, “Uhm… s-salamat ulit sa pagpasyal mo sa mga kapatid ko. Alam kong nag-enjoy sila ng sobra kaya napagod din ngayon at nakatulog na.” Pinilit ko pang ngumiti sa kanya pagkasabi ko no’n.
“It’s okay,” simpleng tugon naman niya sa akin at pagkatapos no’n ay tumahimik na s
