Sydney Ortiz
“Sir Ethan! Ayos lang po ba kayo?” nag-aalalang tanong ko kay Sir Ethan nang malapitan ko ito. Hinimas ko ang likuran niya habang patuloy lamang siya sa pagsuka niya.
Halos mamula na ang buong mukha niya dahil sa kanyang pagsusuka. Agad ko namang kinuha ang bottled water mula sa loob ng bag ko saka ko iyon marahan na iniabot kay Sir Ethan matapos siyang magsuka.
“Tubig po, Sir Ethan. Uminom po muna kayo,” saad ko at tinanggap niya naman iyon saka ininom.
Nang matapos siya ay iniabot niya sa akin iyon pabalik saka siya mabibigat ang paghinga na nagsalita.
“Thank you, Miss,” wika niya.
“Ayos lang po ba kayo, Sir? Ang dami niyo po kasi yatang nainom sa loob,” saad ko sa kanya saka ko siya marahang inalalayan upang makatayo siya ng maayos.
“I’m good. Hindi naman ako masyado
