Sydney Ortiz
Patuloy sa pagwawala ang puso ko habang hila-hila ako ni Sir Ethan sa aking palapulsuhan, palabas ng naturang bar, kung saan ay… nabili niya ako. Labis-labis ang kahihiyan na nararamdaman ko at gusto ko na lamang na bumuka ang lupa at kainin ako ng buhay. Hindi ko inaasahan na sa ganitong pagkakataon pa ulit kami magkikita ni Sir Ethan.
Tumigil kami sa tapat ng sasakyan niya pagkalabas namin ng bar. Nanatili lang naman akong nakayuko at nag-iiwas ng tingin sa kanya. Hindi ko rin alam kung ano ang sasabihin ko sa kanya dahil sa kahihiyan na nararamdaman ko ngayon.
Marahan niya akong binitiwan at nakita ko sa gilid ng aking mga mata ang pagtanggal niya ng suot niyang suit. Ipinatong niya iyon sa likuran ko pasuot sa akin kaya naman nakaramdam ako ng kaginhawaan nang matakpan
