Sydney Ortiz
Mabilis akong napabangon mula sa aking kinahihigaan nang mabasa ko ang natanggap kong mensahe mula kay Sir Ethan. Pinapupunta ako nito ngayon sa kanyang bahay. Dalawang araw na kasi akong naghihintay ng mensahe mula sa kanya, at ngayon lang siya nagparamdam. Pagkatapos kasi noong araw na nagpunta ako sa office niya nang wala siya, ay wala na akong natanggap na kahit na anong mensahe mula sa kanya. At tatlong araw ko na din siyang hindi nakikita.
Madalas nga ay napapaisip na ako na baka may nagawa akong kasalanan sa kanya kaya ganito siya sa akin. Para kasing ayaw niya akong makita, bagay na siyang patuloy na nagbibigay ng kirot sa puso ko.
At ngayon nga ay pinapupunta na niya ako sa bahay niya. Kung ano ‘yong ikinalungkot ko ng ilang araw, sobrang saya at excited ko naman n
