Sydney Ortiz
Marahan kong itinaas ang dalawang kamay ko at iniunat ito. Nag-stretch ako pati ng likod ko saka ko marahan na iniikot-ikot ang ulo ko. Inabot ko pa ang likod ko saka ito marahan na hinilot-hilot. Huminga ako ng malalim pagkatapos. Isang nakakapagod na gabi na naman ang lumipas. Alas sais y medya na ng umaga at pa-out na ako sa trabaho.
Isa-isa kong inayos ang mga cleaning materials na ginamit ko sa paglilinis ng kababakante lamang na kwartong ito. Pagkatapos ay itinulak ko na palabas ang housekeeping cart na pinaglalagyan ng mga panglinis. Isinara ko ang pinto ng nilinis kong kwarto at nagulat ako ng sa pagharap ko ay mukha agad ni Juliet ang nakita ko.
“Ay baklang kalabaw!” bulalas ko. Tinawanan lang naman ako ng babae. “Bakit ka naman kasi nanggugulat?” reklamo ko kay Ju
