MABIBIGAT ang mga hakbang ko habang naglalakad papasok sa building ng Valverde Land. Wala kasi akong gana na kung pwede lang na huwag na akong pumasok, kaso trabaho ko ito. Ako ang project head at hindi uusad ang proyekto kung wala ako. Gusto kong umatras na lang at maghandle ng ibang project sa ibang company pero naumpisahan ko na ito at siguradong hindi papayag si Migs.
Naalala ko pa ang sermon niya kagabi dahil kasama ko si Ace. Mabuti na lang at naintindihan niya ang sitwasyon. Malakas ang ulan at wala akong ibang choice kundi sumakay sa kotse ni Ace. Nangako ako kay Migs na hindi na mauulit pa iyon, at naniwala naman siya. Kaya ngayon, kailangan kong panindigan ang sinabi ko. Ang tanong lang ay kung magagawa ko ba? Nasa iisang lugar lang kami ni Ace. Iisang kumpanya at iisang proyekt
