Nataranta ako bigla sa sinabi ni Migs. Naghagilap ang isip ko ng maidadahilan sa kanya kung bakit kasama ko si Ace pero wala naman akong maisip. Ilang beses niyang pinaalala sa akin na huwag akong makikipaglapit kay Ace at umiwas ako pero heto ako ngayon at kasama niya sa kotse niya. Ayokong suwayin si Migs, sa lahat ng naitulong niya sa akin, he doesn’t deserve to be lied to. Pero ano ba’ng pwede kong sabihin sa kanya ngayon? Na aksidente lang na nakasabay ko si Ace? Na umulan kaya wala akong choice? Na pinilit ako ni Ace? Kahit alin pa doon, alam kong mahihirapan siyang paniwalaan, dahil unang una ay may choice naman akong umiwas.
Nilingon ko si Ace na tahimik lang at nakatitig sa akin habang mahigpit na nakahawak sa manibela. Para bang naghihintay siya kung ano ang gagawin ko sa mga or
