HALOS mangawit na ang kamay ko sa kakapara ng taxi, pero lahat ng dumaraan ay may sakay na. Ramdam ko na rin ang pangangalay ng mga binti ko sa ilang minutong pagtayo roon. Saglit na sumagi sa isip ko ang alok ni Ace na ihatid ako... na agad ko ring pinilit burahin. Hindi, hinding-hindi ako sasakay sa kotse niya. At lalong hindi ko hahayaang mapalapit ulit sa kanya.
Naiiling akong napabuntong-hininga nang biglang maramdaman ko ang malamig na patak ng tubig sa braso ko. Natigilan ako. Isa… dalawa… hanggang sa tuloy-tuloy na ang ambon at lumakas pa iyon. Nataranta ako, agad kong ipinatong ang bag ko sa ulo ko as if may magagawa iyon para hindi ako mabasa ng ulan. May nakita akong waiting shed sa hindi kalayuan at agad na tumakbo patungo doon.
Nakahinga ako nang maluwag nang makarating doo
