Mahina akong umungol nang magising ako nang walang oras sa masarap kong tulog.
'Sino naman ang nasa tamang utak ang tatawag sa ganitong oras?' asar na isip ko sa sarili pero bigla kong naalala na kaibigan ko pala sina Athia at Eliza na walang patawad sa oras at basta na lang tatawag. Pikit ang matang kinapkap ko ang bedside table ko kung saan ko pinatong ang phone ko kagabi bago matulog.
"Hello," inaantok na sagot ko sa phone. Ang sarap talaga matulog ngayon lalong-lalo na at malapit na at 'ber' months na.
"Wake up sleepy head." Napabangon ako nang wala sa oras nang marinig ang malalim na boses ni Gray sa kabilang linya ng telepono.
"Gray?!" hindi makapaniwalang usal ko at nilayo pa ang phone ko sa tenga para tignan kung siya nga. Hindi naman ako nagkamali nang makita a
