Patakbong tinatahak ko ang daan papuntang elevator habang hindi mapakaling nililingon ang paligid para tignan kung meron bang nakatingin sa akin. Sinasadya ko ding iwasan na makasalubong ang mga kaklase ko na palabas ng hotel dahil ayoko na mapansin nila ang sitwasyon ko.
'Feel ko talaga ang laki ng galit sa akin ng mundo. Kahit anong pag-iingat ang gawin ko ay hinahabol talaga ako ng kamalasan. Siguro sinumpa ako nung pinanganak?' naiiling na sabi ko sa isip at mas yumuko nang may isang babaeng napatingin sa akin.
"Excuse me, Miss," narinig kong sabi ng kung sino dahilan para magtaas ako ng tingin at nakita ang babaeng nagbabantay sa front desk na nakatingin sa akin. Napakmot ako ng noo at lumapit sa kaniya "Yes?" nagdadalawang isip na tanong ko. Mas matangkad siya sa akin kaya
