Kagaya ng kanilang naunang plano ay naging civil wedding lang ang kasal nilang dalawa. Sa Mayor lang iyon, ganunpaman ay hindi nito nabawasan ang pagmamahal na kanilang dito ay nararamdaman. Iyon nga lang ay mayroong haplos ng lungkot sa mga mata ni Avril kahit pa nakangiti ang mga iyon na animo'y masaya. Nakasuot lang ang dalaga ng white dress na bagama't hindi naman simple ang design at may sinasabi rin ang halaga pero masasabi ng mga makakakita noon na ang layo ng agwat ng ganda nito sa damit pangkasal ng kaibigang si Yuriah. Iba pa rin ang traje de boda sa araw ng kasal mo. Para sa dalaga ay mas feel niyang ikinasal nga siya kung traje iyon dahil isa sa pangarap din sana ng dalaga ang maging mga abay niya ang dalawa niyang kaibigan doon na ang labong matupad ng mga sandaling iyon.
"We
