Nakabalik si Saturnino sa langit, una niyang nakita si Barubal hinahabol ang mga batang querubin. “Nakawala ulit sila Barbs?” tanong ng binata. “Oh no baby boss, tinutulungan nila ako magpalakas ng katawan. Kunwari naglalaro kami ng habulan pero sa totoo nagjojogging ako” bulong ng higante. “Bakit ka nagpapalakas Barbs?” hirit ng binata. “Of course baby boss we are going to battle. Sige mamaya na usap kailangan ko pa mag twenty laps” sabi ni Barubal sabay kumaripas ng takbo.
Naglibot ang binata sa langit, kokonti lang ang mga anghel na nakakasalubong niya sa daanan. Karamihan nasa loob ng kanilang bahay, may mga nakadungaw sa kanilang bintana at kinakawayan siya. “Good luck Saturnino! Pinagdadasal ka namin!” sigaw ng isang matandang anghel. Ilang sandali dumami ang mga anghel na nagsilipa
