Sa isang kweba sa may Norte nabuksan na nina Basilio at magkakapatid na bruha ang portal. Katatapos lang nung malakas na lindol kaya lahat nagkatinginan. “Ano nangyari?” tanong ni Basilio. “Ganyan talaga, nabuksan natin ang hindi dapat buksan” sagot ni Armina. Si Selya nasa isang tabi umuubo at hinang hina ang katawan. Lumapit ang binata at niyakap ang kanyang nanay, “Sabi mo sa akin hindi ka tatablan ng dakilang itim na apoy nila” bulong niya sabay himas sa likod ng nanay niya kung saan may malaking sugat.
“Hindi ko nga din alam anak pero mukhang kakaiba ang lakas ni Saturnino. Wag kang mag alala pag naapektuhan man ako e sana nung pagtakas palang natin naabo na ako agad. Pero eto ako buhay parin iho” sagot ng matandang babae. “Affina wala ka na ba talaga magagawa para sa nanay ko?” tano
