Tumakbo ako palabas ng gate dahil sa sobrang hiya. Alam kong sinundan niya ako pero hindi niya ako naabutan dahil agad akong nakasakay. Tinawagan niya rin ako pero hindi ko sinagot. Pero maya maya nagulat ako dahil nakasunod na pala ito sa likuran ng jeep na sinasakyan ko. Hanggang pagbaba ko sa kanto nakasunod pa rin siya at sinasabayan ako sa paglalakad habang nakasakay ito sa motorsiklo niya.
"Bakit sumunod ka pa?" masungit na tanong ko nang hindi ko na matiis.
"I just want to make sure na makakauwi ka," seryosong sagot nito.
"Wow, thank you ha?" sarkastikong sagot ko kahit may kakaiba akong naramdaman sa sinabi niyang iyon. "Malamang uuwi talaga ako. Saan pa ba ako pupunta sa tingin mo?"
"Pshhh..." naiiling na reaksyon nito. "Galit ka na naman?"
Huminto ako at nilingon siya. "Dapa
