"Ngunit masyado tayong magmumukhang mabait kung iyon ang susundin," ani ni Volt. Bakas ang inis sa kaniyang mukha at boses habang nakatitig kay Esterial na tila wala namang pakialam sa kaniya.
"Mabait naman tayo." Natatawang saad ni Esterial. Marahan siyang kumagat sa mansanas saka malakas na ibinato ang natirang buto nito sa malayo.
Pinagmasdan niya kung paanong mabilis na bumagsak ang buto pababa sa mga nagtataasang mga halaman. Kahit na wala na ito sa kaniyang paningin, hindi pa rin niya iyon nilubayan ng tingin.
Sa isip niya, sino ang makakaalam kung sakaling mabuhay ang butong iyon, na siya ang dahilan kung bakit naroon iyon? Sino ang makakaalala sa kaniya sa tuwing nakikita ang puno ng mansanas kung sakaling mabuhay nga ang butong kaniyang ibinato?
Sumagi sa isipan niya ang mga p
