“MAY balita na ba tungkol kay Henry Wang?” tanong ni Blaine habang nakaupo siya sa kanyang swivel chair at nakatayo sa harapan ang mga tauhan niya kasama na roon si Luna.
“Pinakilos ko na ang mga tao ko sa labas mula noong ni-raid ng mga pulis ang Dragon Empire. Ang latest na nakuha nilang impormasyon ay huling nakita si Henry sa Pampanga pero mabilis itong nakaalis. Sa ngayon hinahanap pa ulit namin siya,” paliwanag ni Luna.
Tumango-tango ito pagkatapos ay umangat ang kamay at sumenyas na lumapit siya. Agad sumunod si Luna at hinawakan ang kanyang kamay kahit kaharap ang mga tauhan nila.
“Mario, tulungan n’yo si Ysabel sa paghahanap kay Henry. Hinahanap na rin siya ng mga pulis, pero mas liliit ang mundo niya kapag mas marami pa ang naghanap sa kanya. Sa ganoon ay mapipilitan si Hen
