“Eleonor!” sabik na sabik na niyakap ni Alejandro ang kasintahan nang pumunta ito sa kanilang tagpuan sa labas ng maliit na kubo sa may palayan kahit alas otso na ng gabi. Ilang araw itong hindi nagpakita sa kanya. Lubos siyang nag-alala lalo na nang mabalitaan niya na may pumunta sa bahay nito na isang manggagamot para tingnan siya.
“Anong nangyari sa iyo irog ko? Pinag-alala mo ako ng lubos,” hinawakan nito ang mukha ng kasintahan at itinutok sa kanyang mukha. "Bakit tila maputla ka?" may pag-aalalalang tanong nito.
“Patawad mahal ko kung napag-alala kita. Medyo hindi lang naging maganda ang aking pakiramdam nitong mga nagdaang araw. Pero maayos na ako irog ko. Binigyan ako ng manggagamot ng maiinom para sa hilo at aking pagduduwal,” sambit ng dalaga.
“Nahihilo at naduduwal ka? Ano d
