chapter 30
Pagdating ko sa ground floor ay isang sasakyang kasing-haba ng prusisyon ang naghihintay sa akin, iyong tipong kailangan ng isang linggong abiso bago makaliko sa kanto dahil sa sobrang haba. Ganito iyong sinasakyan ng mga celebrity at kilalang tao kapag pumupunta sa mga pa-red carpet event. Ang chauffeur naman, kung makayuko matapos akong pagbuksan ng pinto ay aakalain talaga nang makakita na prinsesa ang isasakay. Well, hindi naman siya nagkakamali, dahil talagang pang-royalty ang awrahan ko ngayon. Thirty-six years akong tahimik na namuhay sa gilid ng lipunan at first time kong maranasan ang ganito kaya kahit hindi talaga maiwasang makaramdam ako ng kaba. "Ma'am, please," magalang na aya sa'kin ng driver habang nakamuwestra ang isang kamay sa nakabukas na pintuan ng sasakyan. Natig
- Writer
