CHAPTER 52
MALAYO pa lang tanaw na ni Trevor si Roxanne at tulad ng inaasahan niya simple lang talaga ang damit ng dalaga. Hindi mo talaga maitatanggi ang kasimplehang taglay nito.
Naka-simpleng itim na t-shirt, pantalon na maong at flat sandal lamang ito at tinernuhan ng bag na palagi niyang dala. Nakalugay lang din ang hanggang balikat nitong buhok.
Tumayo siya nang makita niyang malapit na ito.
"Napaghintay ba kita?" bungad na tanong sa kaniya ni Roxanne.
Hinanda niya ang ngiti niya rito, para sa kaniya kahit maghintay siya ng matagal walang problema. Ngayon pa lang nakahanda na siyang hintayin si Roxanne. Para sa kaniya worth the wait naman ito.
"May idea ka na ba kung saan tayo pupunta?" tanong niya rito.
"Bahala ka na. Ikaw naman ang nakakaalam kung saan tayo pupunta.
