Kinabukasan ay maagang dumating si Winsley. Halos hindi na ito makapaglakad ng maayos dahil sa dala nitong mga kahon na nakatabon na sa mukha nito. Kahit hirap ito dahil sa mga dalahin ay isang ngiti parin ang sinalubong nito sa kaniya nang pagbuksan niya ito ng pinto.
"Ano ang mga iyan?"
Tumingin ito sa kama. Nang makita nitong natutulog pa ang anak ay biglang nagbago ang hilatsa ng mukha nito. Para itong binasted ng nililigawan at biglang bumagsak ang mga balikat.
"He's sleeping..."
Tinulungan na ito ni Kate sa pagbababa ng mga dala nito tapos inaya niya itong maupo sa couch.
"Mamaya ay gigising narin iyan. Ano ba ang mga dala mo?"
"Mga laruan."
"Lahat ng iyan?"
"Oo."
Muling tinapunan ng tingin ni Kate ang mga kahon. Sa dami niyon at pwede na siyang magtayo ng maliit na tind
