♥RIANE♥
Hindi mahirap para kay Riane ang masanay sa pagiging night-shift sa trabaho. Nocturnal kasi siya na dulot ng pagkaadik niya sa mga series na pinapanood niya. Pero ilang araw na siyang nahihirapan sa schedule niya. Palibhasa ay hindi kaagad siya nakakatulog sa bahay nila. Ewan niya ba sa katawan niya.
Ang masama pa niyan ay inaantok siya kapag nasa trabaho siya. Para tuloy siyang babagsak sa antok nang matapos ang shift niya. Pero ang mga kasamahan niya ay alive na alive pa rin at ang sarap busalan ng mga bibig sa kaingayan.
"Oh my gosh! Riane!"
Hindi niya pinansin si Jenny na isa sa mga ka-close niyang officemate at nagpatuloy siya sa paglalakad habang nakayuko at papikit-pikit. "Riane!"
"Ano ba 'yun?!" naiirita niyang baling sa katabi. Ngumuso ito at may itinuro. Kumunot ang
