NANG MAKAAKYAT SILA ay nagtungo kaagad si Evie sa guest room niya at pilit pang papasok roon si Silver ngunit pinipigilan siya ni Evie.
"Ano ba? Doon ka nga sa kwarto mo!" mahinang singhal nito kay Silver na halatang inaasar lang siya.
"Bakit?"
"Huwag ka ngang makulit, Silver! Doon ka na!" naitulak niya ito ng malakas at dinilatan pa ng mata bago pinagsarahan ng pinto.
Napapailing at ngiti na lamang din si Silver hindi dahil naasar niya si Evie, kundi dahil sa wakas ay nakasama na niya ito. Dumiretsong pasok na lamang din siya sa kwarto niya.
Nang maisara ni Silver ang pintuan ng kanyang kwarto, saka namang bukas ng guest room kung saan naroon sina Benjamin at Sofie nananatili. Lumabas roon si Benjamin at maglalakad na sana pababa ngunit nahinto siya sa tapat ng pinto ng silid naman n
