BAGO PA MAGDILIM, nagluluto na ang katiwala ni Silver ng kanilang hapunan, kaya noong nakita ito ni Evie ay nagpumilit na siyang tulungan ito dahil wala na rin naman siyang gagawin matapos pakainin at painumin na ng gamot si Steve. Si Silver naman ay naging abala sa kanyang study room dahil mayroon siyang dapat asikasuhin na sa negosyo niya kaya hindi na muna siya inaabala ni Evie.
"Manang, okay na po ba yung ganito kalaking hiwa ng carrots?" tanong pa ni Evie habang nasa island counter. Napalingon naman sa kanya ang matanda.
"Okay na po yan, Ma’am."
"Hugasan ko na lang po." at gayun nga ang ginawa niya habang nagsisimula ng maggisa ang katiwala nila.
"Ma’am, pwede po bang magtanong? Kung ayos lang po." tila panimula ng ginang.
Hindi naman inaasahan ni Evie iyon kaya napasulyap siya r
