“Hindi yata kayo masayang nag-surprise visit ako rito sa bahay n’yo, e,” may pagtatampong sambit ni Dwine. Weekend ngayon at bilang quality time namin ni Mari, nag-movie marathon na lang kami sa bahay nang si Dwine naman ay walang pasabi na bumisita—sabagay surprise visit nga raw kasi. “Sad movie ba ‘yang pinapanood n’yo kaya mga busangot ‘yang mukha n’yo?”
“Siguro dapat sa ibang araw ka na lang dumalaw.”
“Anong problema n’yong mag-ina?” Pagkaraan na patayin niya ang telebisyon, hindi niya kami binigyan ng choice ni Mari na tumingin sa ibang direksyon maliban sa kanya. “Hindi ko nagugustuhan ‘yang mga mukha n’yong ganyan, e. Halatang may problema kayong hindi n’yo sinasabi sa akin.”
Noon pa man ay may lahi nang pagka mapilit si Dwine. Dati nga, kahit na pilit ko siyang inilalayo ang sar
