Bakas sa mukha ni Dwine ang pagkabigla sa ginawa kong pagsunggab sa kanyang labi. Ako man ay nabigla rin sa ginawa ko nang hindi man lang iniisip na sa ginawa kong 'yon, binigyan ko si Dwine ng dahilan para mas lalo akong suyuin. Lalo't ngayon ay hindi ko na napigilan pa ang dila ko na magsabi ng katotohanan.
"Sinasabi ko na nga ba, e," nakangiti niyang sambit nang agad akong mag-ilag sa kanya ng tingin tiyaka naupo sa upuan sa may dining table. "Gusto mo rin ako."
"Malay mo naman ginawa ko lang 'yon kasi trip ko lang," pagpapalusot ko. "Nang dahil lang ba hinalikan kita, ibig bang sabihin no'n kaagad ay gusto na rin kita?"
Wala lang. Gusto ko lang kasing subukan na itanggi pa rin sa kanya ang feelings ko na kung tutuusin ay sobrang obvious na obvious naman na. Hindi ko rin kasi minsan
