“Sabihin mong mali ang pagkakarinig ko, Mari-”
“Seryoso ako, ma. Sa katunayan nga po n’yan… nakapagpalista na po ako. Bukas na bukas din po, sasalang na ako sa elimination round-”
“Wala ka na bang kadala-dala?!” Mahina ngunit gigil na boses mula sa akin ang umalingawngaw sa loob ng office ko. “Noong nakaraang sumali ka sa singing contest, it was your elem days, hindi ka nanalo, ‘di ba? Ano kasi ang nangyari? Dahil sa kagagawan ni Gwy para sirain at hindi matuloy ang performance mo, lahat ng effort mo sa pag-pa-practice kasama ang Tito Dwine mo, nauwi lang din sa wala dahil d’yan sa kaduwagan mo sa ipis, Mari. Paano kung gawin ulit ni Gwy sa iyo ‘yon ngayon? Gusto mo ba ng part 2 ng pagkapahiya mo sa harap ng mga tao?!”
At sa tuwing naaalala ko ‘yon, hanggang ngayon ay gigil na gigil ak
