"Talagang sa lugar ka pa na ito gagawa ng eskandalo, Jazz?" matigas na sambit ni Sir Jonas na dala ng presensya ng asawa niya ay napatayo na mula sa prente nitong pagkakaupo sa silya kanina. "Let's talk about this outside--"
"Hindi!" Hinampas niya palayo ang kamay ni Sir Jonas na balak na siyang hatakin palabas. Galit na galit na tinapunan ako ni Jazz ng tingin, na para bang ang mga mata niya ay nagpapakita ng labis na pagkainggit.
"Deserve naman malaman ng tao kung gaano kalandi ang babaeng ito! Nakakasuka talaga 'yang ugali mo, Aya, 'no? Hahanap ka na lang ng magiging tatay ng anak mo, doon pa sa may asawa? Wala ka na ba talagang natitirang kahihiyan sa katawan?!"
"Jazz, tumigil ka na--"
"Hindi nga ako titigil hangga't hindi nadadala ang babaeng ito na guluhin ang pamilya natin!" Sa
