“Nak, ba’t parang kanina ko pa napapansin na panay ang pagtulala mo? Okay ka lang ba? Napagod ka ba masyado kanina?” untag ng nanay ko sa akin. Napansin niya pa pala ang pagtulala ko habang nasa hapag kami, kumakain kasama si Tito Dwine.
“Ahh. Okay lang naman po ako.” Nang hindi ko sinasalo ang nagtatanong na mga mata ni Mama, sinimulan ko na lang ang pagkain ng hapunan nang sa gayon ay makadiretsyo na ako sa kwarto ko at makatulog na.
“Mari? Umamin ka sa amin ng mama mo,” si Tito Dwine ang bumoses. “Nakita kasi kitang may kasamang lalaki bandang tanghali kanina. Sino ‘yon?”
“P-Po-“
“Kaklase niya ‘yon, mahal. Nagpaalam sa akin kung pwede raw ba na samahan niya raw si Mari ngayong araw. E, nakita ko naming maganda naman ang intension niya kay Mari at dahil Foundation Week naman, nasak
