Nakatingin pa rin ako sa kawalan at pinagmamasdan ang maliliit na butil mula sa katawang yelo na dinurog ni Jormungandr. Naramdaman ko siyang naglakad sa akin sa kanyang human form.
“He’s dead,” deklara niya.
Alam ko iyon. Nang gawin kong yelo ang katawan ni Tyr ay hudyat na iyon ng kanyang katapusan. Idagdag mo pa ang ginawang pagdurog ni Jormungandr dito gamit ng kanyang bibig. Siguro ay nabigla lamang ako sa mga pangyayari. Hindi ko akalain na may matatapos na ganoon ang aking mga kamay.
“Nakokonsensya ka ba?” tanong ni Jormungandr sa gilid ko. Nilingon ko siya at napansin ko ang nakataas niyang kilay habang naghihintay ng kasagutan sa akin.
Umiling ako. Sa totoo lamang ay wala akong maramdaman para sa nangyari kay Tyr. Kung may nararamdaman man ako sa ngayon ay ang pagkabigla sa n
