Ilang araw rin kaming nanatili lamang sa inn. May mga pagkakataon na lumalabas kami para kumain pero walang ginagawang aktibidad. Hinihintay pa rin naming maghilom nang tuluyan ang sugat ni Master Loki at bumalik ang dating lakas niya.
Narinig ko rin kay Jormungandr ang tungkol sa pagkaka-seal ng halos kalahati ng kapangyarihan ni Master Loki bago siya palayasin sa Asgard noon. Hindi ko alam iyon. Hindi nabanggit sa akin ni Master Loki.
Gumaling na rin naman siya makalipas nag ilang araw na pagpapahinga. Nagsimula na kaming magplano sa kung anong gagawin namin at naglatag ng mga suhestiyon. Tahimik lamang ako sa buong pagtitipon at nakikinig lamang sa mga sinasabi nila.
“Ikaw, Haze? May naiisip ka bang plano?” tanong ni Master Loki sa akin. Tumingin din sina Jormungandr at Freyja sa aki
