Madaling araw noon ng magising siya dahil biglang kumalam ang kaniyang tiyan. Nagugutom siya.
Sobrang lakas pa naman ng ulan sa labas na sinabayan ng kulog at kidlat. Nakaramdam siya ng takot, gusto sana niyang gisingin si Ram pero hindi niya ginawa.
Dahan-dahan siyang bumangon mula sa kama at nagpasyang bumaba ng hagdan upang kumain.
Nasa pang limang baitang na siya ng biglang namatay ang ilaw kasabay ng malakas na kulog at kidlat. Pakiramdam niya ay may tumulak sa kaniyang likuran kaya nawalan siya ng balanse at tuloy-tuloy na nahulog sa hagdan.
Napasigaw pa siya sa pagkagulat.
"Ram!" Sigaw niya. Pero walang Ram na lumalabas sa kanilang silid.
Bagkus ay si nanay meding ang nakita niyang humahangos pababa ng hagdan at may dalang flash light.
"Isabelle! Diyos ko! ano bang nangyaya
