"Anak, problema ba kayo ni Ram?"
Napalingon siya at tumambad si nanay meding sa kaniyang likuran. Nasa garden siya noon at nagpapahangin.
Mula kasi ng mangyari ang insidenteng iyon, naging mailap na siya sa nobyo.
Siguro nasanay lang ang matanda na makita silang masaya kaya nagtataka din ito.
"Nay.."
Malumanay na sabi niya.
Tumabi naman ito sa kaniya.
"Dahil ba kay Scarlet kaya kayo nagkakaganyan?"
Tanong pa nito.
Hindi naman siya agad nakaimik, dahil hindi niya alam kung magkukwento ba siya sa matanda.
"Nasubaybayan ko ang paglaki ni Ram, mula noong sanggol pa lang siya hanggang sa magkaroon siya ng nobya."
Simula ni nanay meding.
"Nakita ko din kung paano niya minahal si Scarlet na siyang unang kasintahan niya, pero ito din ang unang bumigo sa murang puso niya."
"Iniwan siya
