ETHAN RAMIREZ
ILANG BESES NA kaming nag-away ni Kyro roon sa Canada dahil sa pagseselos niya kay Kurt. Pero sa ilang beses na iyon ay hanggang galit lang siya sa akin. Lumalaki ang boses pero ni minsan ay hindi niya ako napagbuhatan ng kamay. Kapag labis na ang galit niya, tatahimik na lang siya at hayaan nang humupa ang galit niya sa akin. Sa totoo lang, akala ko kasi ay okay na sa kanya na maging malapit ako kay Kurt. Pero mali pala ako sa paniwalang iyon. Sa tingin ko ay sinusubukan niya lang ako. Hindi pa rin pala nawala ang pagiging praning niya. Akala niya siguro ay darating ang araw na babalik ako kay Kurt at iiwan ko siya. Hinding-hindi iyon mangyayari. Magkamatayan man. Mahal ko si Kyro. Buong buhay niya ay inalay niya sa akin. Sumugal siya at sumugal din ako. Kahit takot akong m
