KURT DE MERCEDES
ILANG ARAW ANG lumipas, abala na ako muli sa trabaho. Pero kahit papaano ay hindi na ako nababagot lalo pa’t nandito na si Kyro. Araw-araw ay may nakakausap ako. Noon kasi, wala. Kaya ang ginagawa ko, pinapatay ko na lang ang oras ko sa trabaho. Pero ngayon, bigla-bigla na lang siyang pumapasok sa opisina ko habang bitbit ang laptop niya. Gusto niyang kasi na kasama ako habang nagtatrabaho. Naiintindihan ko naman siya roon dahil nakakabagot din naman mag-isa roon sa opisina niya.
Si Ethan ay natanggap na rin sa Montenegro University. Expected ko na iyon dahil magaling talaga siya. Ang sabi sa akin ni Kyro, ngayong araw raw nagsimula sa pagtuturo ang mahal niya. Bilang kaibigan, I sent a message wishing him a goodluck on his first day. Sana galingan niya palagi para maram
